ജൈവ കൃഷിത്തോട്ടം ഉദ്ഘാടനവും സമ്മാനദാനവും ഇന്ന്

 

 

കണ്ണൂര്‍: ലയണ്‍സ് ഡിസ്ട്രിക്ട് 318ഇയും കൃഷ്ണമേനോന്‍ സ്മാരക ഗവ. വനിതാ കോളേജ് എന്‍.എസ്.എസ്. യൂണിറ്റും ചേര്‍ന്ന് ഒരുക്കുന്ന ജൈവ കൃഷിത്തോട്ടത്തിന്റെ ഉദ്ഘാടനം സപ്തംബര്‍ 20ന് ശനിയാഴ്ച 11ന് കോളേജില്‍ നടക്കും.

ഇതിന്റെഭാഗമായി മാതൃഭൂമി സീഡ് അംഗങ്ങള്‍ക്ക് നടത്തിയ പ്രബന്ധരചനാ മത്സരത്തിലെ വിജയികള്‍ക്കുള്ള സമ്മാനങ്ങളും വിതരണം ചെയ്യും. മാത്തില്‍ ഗവ. എച്ച്.എസ്.എസിലെ പി.ശ്രീഷ്മ, കക്കാട് അമൃതവിദ്യാലയത്തിലെ നിഖിത മനോജ്, കൊട്ടില ഗവ. എച്ച്.എസ്.എസ്സിലെ കാര്‍ത്തിക കെ.പ്രഭ എന്നിവര്‍ക്കാണ് യഥാക്രമം ഒന്നും രണ്ടും മൂന്നും സ്ഥാനങ്ങള്‍.

കൃഷ്ണമേനോന്‍ സ്മാരക വനിതാ കോളേജ് പ്രിന്‍സിപ്പല്‍ ഡോ. പി.ജി.അജിതബേബിയുടെ അധ്യക്ഷതയില്‍ നടക്കുന്ന യോഗത്തില്‍ തോട്ടത്തിന്റെ ഉദ്ഘാടനം മാതൃഭൂമി ഡെപ്യൂട്ടി എഡിറ്റര്‍ ടി.സുരേഷ്ബാബു നിര്‍വഹിക്കും. പ്രൊഫ. ഒ.സൂര്യനാരായണന്‍, ലയണ്‍സ് വൈസ് ഡിസ്ട്രിക്ട് ഗവര്‍ണര്‍ കെ.ശിവപ്രസാദ്, എന്‍.എസ്.എസ്.പ്രേഗ്രാം ഓഫീസര്‍മാരായ ജോബി വര്‍ഗീസ്, ഉഷ എന്നിവര്‍ പങ്കെടുക്കും