അയിലൂർ: കാടിന്റെ മക്കൾക്ക് ഓണസമ്മാനവുമായി വിദ്യാർഥികൾ മലകയറി. അയിലൂർ പഞ്ചായത്തിലെ കൽച്ചാടി ആദിവാസികോളനിയിലേക്കാണ് എസ്.എം. ഹയർസെക്കൻഡറി സ്കൂളിലെ സീഡ് സോഷ്യൽ സയൻസ് ക്ലബ്ബ് അംഗങ്ങളും അധ്യാപകരും ഓണസമ്മാനവുമായി എത്തിയത്. കോളനിക്കാർക്ക് ഓണക്കിറ്റും ഓണസദ്യയും നൽകി. പരിപാടിയുടെ ഉദ്ഘാടനം അയിലൂർ ഗ്രാമപ്പഞ്ചായത്ത് പ്രസിഡന്റ് ഗീത രാജേന്ദ്രൻ നിർവഹിച്ചു. സോഷ്യൽ സയൻസ് ക്ലബ്ബ് കൺവീനർ എസ്.എം. ഷാജഹാൻ അധ്യക്ഷത വഹിച്ചു. അധ്യാപകരായ ജോണി ഡയൻ, എം.എൻ. രാമപ്രസാദ്, സി. അനിത, കൽച്ചാടി എസ്.ടി. പ്രമോട്ടർ ശേഖരൻ എന്നിവർ സംസാരിച്ചു.
