മല്ലപ്പള്ളി: അധ്യാപകദിനത്തില്‍ വിദ്യാലയങ്ങളില്‍ ഗുരുവന്ദനം നടത്തി. കുന്നന്താനം പാലക്കാത്തകിടി സെന്റ് മേരീസ് ഗവ. ഹൈസ്‌കൂള്‍ സീഡ് സംഘം മുന്‍ അധ്യാപിക ഏലിയാമ്മ ടീച്ചറെ സ്റ്റുഡന്റ് കോ-ഓര്‍ഡിനേറ്റര്‍ സുബിന്‍ ബാബു പൊന്നാടയണിയിച്ചു.
പി.ടി.എ. പ്രസിഡന്റ് എസ്.വി.സുബിന്‍, കെ.ആര്‍.മുരളീധരന്‍, എസ്.ശ്രീകല, ജിഷമോള്‍ ചെറിയാന്‍, ഉമാദേവി, മിനി എന്നിവര്‍ പ്രസംഗിച്ചു. വെണ്ണിക്കുളം എസ്.ബി.ഹൈസ്‌കൂളില്‍ എന്‍.എസ്.എസ്. യൂണിറ്റ് നേതൃത്വത്തിലായിരുന്നു ഗുരുവന്ദനം. അധ്യാപകരുടെ കാല്‍ കഴുകിയും നെറ്റിയില്‍ ചന്ദനമണിയിച്ചും മധുരം പകര്‍ന്നുമായിരുന്നു ചടങ്ങ്. പ്രിന്‍സിപ്പല്‍ ഉഷ മാത്യു, പ്രോഗ്രാം ഓഫീസര്‍ ബിറ്റു ഐപ്പ്, അലക്‌സ് മാത്യു എന്നിവര്‍ നേതൃത്വം നല്‍കി.
