കൊതുകിനെതിരെ കുട്ടിക്കൂട്ടായ്മ

 

 

 

കരിമ്പം: ലോക കൊതുകുദിനത്തിന്റെ ഭാഗമായി പൂമംഗലം യു.പി. സ്‌കൂളില്‍ ദേശീയ ഹരിതസേനയും സീഡും ചേര്‍ന്ന് വിവിധ പരിപാടികള്‍ സംഘടിപ്പിച്ചു. എ.കെ.ബിന്ദുവിന്റെ അധ്യക്ഷതയില്‍ പ്രഥമാധ്യാപിക പി.ജെ.മോളി കൊതുകിനെതിരെ കുട്ടിക്കൂട്ടായ്മ പരിപാടി ഉദ്ഘാടനം ചെയ്തു. കൊതുക് പരത്തുന്ന രോഗങ്ങളെക്കുറിച്ചുള്ള വീഡിയോ പ്രദര്‍ശനക്ലാസ് സി.സത്യനാരായണന്‍ നയിച്ചു. വിദ്യാര്‍ഥികള്‍ വീടുകള്‍ സന്ദര്‍ശിച്ച് ലഘുലേഖ നല്‍കി. പി.ജിനി, പി.പി.ശൈലജ, അനുമോഹനന്‍ എന്നിവര്‍ നേതൃത്വം നല്‍കി.