പുതുപ്പള്ളി ശ്രീനാരായണ സെന്‍ട്രല്‍ സ്‌കൂളിലെ സീഡ് പ്രവര്‍ത്തകര്‍ സ്വാതന്ത്ര്യദിനത്തില്‍ പാതയോരത്തെ മാലിന്യം നീക്കുന്നു
പുതുപ്പള്ളി: മാസങ്ങളായി കുന്നുകൂടിയ പാതയോരത്തെ മാലിന്യം സീഡ് പ്രവര്‍ത്തകര്‍ നീക്കം ചെയ്തു. പുതുപ്പള്ളി ശ്രീനാരായണ സെന്‍ട്രല്‍ സ്‌കൂളിലെ സീഡ് അംഗങ്ങളാണ് പുതുപ്പള്ളി ഗവ. ബോയ്‌സ് ഹൈസ്‌കൂളിന് സമീപത്തെ മാലിന്യം നീക്കി മാതൃക കാട്ടിയത്. പാതയോരം വൃത്തിഹീനമായി കിടക്കുന്നതു സംബന്ധിച്ച് സ്‌കൂളിലെ സീഡ് ക്‌ളബ് പുതുപ്പള്ളി ഗ്രാമപ്പഞ്ചായത്ത് അധികൃതര്‍ക്ക് കഴിഞ്ഞ ദിവസം നിവേദനം നല്‍കിയിരുന്നു. പ്‌ളാസ്റ്റിക് സഞ്ചികളിലെ മാലിന്യം മാറ്റിയശേഷം ഇവര്‍ ചെടികളും നട്ടു. സ്‌കൂള്‍ പ്രധാനാധ്യാപിക എ.എസ്.വത്സമ്മ, സ്‌കൂള്‍ മാനേജര്‍ സുരേഷ് വി.വാസു, സീഡ് കോഓര്‍ഡിനേറ്റര്‍ ബിന്ദു, പി.റ്റി.എ. പ്രസിഡന്റ് ദിലീപ് തുടങ്ങിയവര്‍ നേതൃത്വം നല്‍കി. ദേശീയപതാക ഉയര്‍ത്തിയശേഷം സ്‌കൂള്‍ ഹാളില്‍ ചേര്‍ന്ന സ്വാതന്ത്ര്യദിന സമ്മേളനം പുതുപ്പള്ളി ഗ്രാമപ്പഞ്ചായത്ത് പ്രസിഡന്റ് കെ.ശശികലാദേവി ഉദ്ഘാടനം ചെയ്തു.
