|
||||||
ബിലീവേഴ്‌സ് ചര്‍ച്ച് മഹാത്മാ സ്‌കൂളില്‍ സീഡ് ബോധവത്കരണ ക്ലാസ്
Posted By : klmadmin On 11th August 2014
ചവറ: ചവറ ഭരണിക്കാവ് ബിലീവേഴ്‌സ് ചര്‍ച്ച് മഹാത്മാ പബ്ലിക് സ്‌കൂളില്‍ സീഡ് കൗമാര ബോധവത്കരണ ക്ലാസ് നടന്നു.
കൗമാരക്കാരായ പെണ്‍കുട്ടികള്‍ നേരിടുന്ന പ്രശ്‌നങ്ങള്‍ എന്ന വിഷയത്തില്‍ 5 മുതല്‍ 10 വരെ ക്ലാസിലെ പെണ്‍കുട്ടികള്‍ക്കുവേണ്ടിയായിരുന്നു ക്ലാസ്. കരുനാഗപ്പള്ളി സര്‍ക്കാര്‍ ആസ്പത്രിയിലെ ഗൈനക്കോളജിസ്റ്റ് ഡോ. ഷൈനി ക്ലാസിന് നേതൃത്വം നല്‍കി. കൗമാരപ്രായത്തിലേക്ക് പ്രവേശിക്കുന്ന പെണ്‍കുട്ടികളുടെ മാനസിക ശാരീരിക മാറ്റങ്ങളെക്കുറിച്ചും ആധുനിക കാലഘട്ടത്തില്‍ പെണ്‍കുട്ടികള്‍ നേരിടുന്ന പ്രശ്‌നങ്ങളെക്കുറിച്ചും കുട്ടികളെ ബോധവതികളാക്കി. പ്രഥമാധ്യാപകന്‍ ആര്‍.വി.എഫ്രേം, സീഡ് കോഓര്‍ഡിനേറ്റര്‍ വി.കവിത, അധ്യാപകരായ കെ.മുരളീധരന്‍, ബിന്ദുലക്ഷ്മി, സീഡ് പ്രതിനിധികളായ സല്‍മ സലാം, ഡയാന സുരേഷ്, ഗൗരി വന്ദന എന്നിവര്‍ സംസാരിച്ചു.
Login
Important links
 |  |
Social Network
