ചിതറ: എസ്.എന്‍.എച്ച്.എസ്.എസ്. 10ാം ക്ലാസിലെ ഐശ്വര്യ എന്ന കുട്ടിയുടെ ചികിത്സാസഹായവുയമായി സീഡ് വിദ്യാര്‍ഥികള്‍ സ്വരൂപിച്ച ഫണ്ട് ചിതറ ഗ്രാമപ്പഞ്ചായത്ത് പ്രസിഡന്റ് എസ്.മുരളീധരന്‍ നായര്‍ കുട്ടിയുടെ അമ്മയ്ക്ക് കൈമാറി. ചടങ്ങില്‍ സ്‌കൂള്‍ ഹെഡ്മിസ്ട്രസ് ടി.വി.ഷൈല സ്വാഗതം പറഞ്ഞു. സ്‌കൂള്‍ പ്രിന്‍സിപ്പല്‍ ഡോ. കെ.ആര്‍.ഷൈജു അധ്യക്ഷനായി. സീഡ് കോഓര്‍ഡിനേറ്റര്‍മാരായ മഞ്ജുഷ, സജീവ് എന്നിവര്‍ സംസാരിച്ചു. എ.ഷാനിമോള്‍ വി.വി.സിന്ധു, നിത്യകുസുമം, പ്രസീദ്, എസ്.വി.ദിലീപ്, അനില്‍കുമാര്‍ എന്നിവര്‍ പങ്കെടുത്തു. സ്റ്റാഫ് സെക്രട്ടറി എന്‍.സജീവ് നന്ദി പറഞ്ഞു.
