ഗാസയിലെ കൂട്ടക്കുരുതിക്കെതിരെ സീഡ് കൂട്ടായ്മ

 

 

കണ്ണൂര്‍: ഗാസയിലെ കൂട്ടക്കുരുതിക്കെതിരെ പരപ്പ ഗവ. യു.പി. സ്‌കൂളില്‍ സീഡ് കൂട്ടായ്മ നടത്തി. ഭൂമിയെയും ജീവജാലങ്ങളെയും നശിപ്പിക്കുന്ന പ്രവര്‍ത്തനങ്ങളില്‍ തങ്ങള്‍ പങ്കാളികളാകില്ലെന്നും സാര്‍വദേശീയ സമത്വം, സാഹോദര്യം, സ്‌നേഹം എന്നിവ വളര്‍ത്തുന്നതിന് ജീവിതം സമര്‍പ്പിക്കുമെന്നും സീഡ് അംഗങ്ങള്‍ പ്രതിജ്ഞ ചെയ്തു. സീഡ് കോഓര്‍ഡിനേറ്റര്‍ ഷാജി തോമസ് സംസാരിച്ചു. 

സീഡ് അംഗങ്ങള്‍ തയ്യാറാക്കിയ യുദ്ധവിരുദ്ധ പോസ്റ്ററുകളും പ്ലക്കാര്‍ഡുകളും ഉയര്‍ത്തിപ്പിടിക്കുകയും സഡാക്കോ കൊക്കുകളെ പറത്തുകയും ചെയ്തു. പ്രഥമാധ്യാപകന്‍ ടോമി ജോസഫ്, ലില്ലിക്കുട്ടി ജോര്‍ജ്, കെ.സനിലന്‍, ഷിജി കെ.ജോസഫ്, എ.വി.നിജില എന്നിവര്‍ നേതൃത്വം നല്‍കി.