പെരുമ്പിള്ളിച്ചിറ: പെരുമ്പിള്ളിച്ചിറ സെന്റ്‌ജോസഫ് യു.പി.സ്‌കൂളില്‍ മാതൃഭൂമി സീഡ് പദ്ധതിക്ക് തുടക്കമായി. സ്‌കൂള്‍ മാനേജര്‍ ഫാ. ജോസ് കണ്ടത്തില്‍ അധ്യക്ഷതവഹിച്ച യോഗത്തില്‍ കുമാരമംഗലം ഗ്രാമപ്പഞ്ചായത്ത് വൈസ് പ്രസിഡന്റ് മുഹമ്മദ് വെട്ടിക്കല്‍, 'സീഡ്' സ്റ്റുഡന്റ് കണ്‍വീനര്‍മാരായ തന്‍വീര്‍ സി.ജെ, ഫെമിന കലാം എത്തിവര്‍ക്ക് വിത്തുകള്‍ നല്‍കി ഉദ്ഘാടനം നിര്‍വഹിച്ചു.
ഉദ്ഘാടന പരിപാടികള്‍ക്ക് ഹെഡ്മാസ്റ്റര്‍ കെ.ജി. ആന്റണി, പി.ജെ.ബെന്നി, കെ.പി.അമീന എന്നിവര്‍ നേതൃത്വം നല്‍കി. സീഡിന്റെ പ്രവര്‍ത്തനങ്ങളെക്കുറിച്ച് സീഡ് ജില്ലാ കോ-ഓര്‍ഡിനേറ്ററായ കെ.അജിത് കുട്ടികള്‍ക്ക് ക്ലാസെടുത്തു.
