കറ്റാനം: കറ്റാനം പോപ്പ് പയസ് ഹയര്‍ സെക്കന്‍ഡറി സ്‌കൂളിലെ 'മാതൃഭൂമി' സീഡ് പദ്ധതി ഭരണിക്കാവ് കൃഷി ഓഫീസര്‍ ഷാനിദാ ബീവി ഉദ്ഘാടനം ചെയ്തു. പി.ടി.എ. പ്രസിഡന്റ് അഡ്വ. എന്‍.എം നസീര്‍ അധ്യക്ഷത വഹിച്ചു. സീഡ് പദ്ധതിയെപ്പറ്റി ജില്ലാ കോഓര്‍ഡിനേറ്റര്‍ അമൃത സെബാസ്റ്റ്യനും സ്‌കൂളില്‍ നടക്കുന്ന ജീവകാരുണ്യ പ്രവര്‍ത്തനങ്ങളുടെ 'കരുതലിന്റെ കരം' പദ്ധതിയെപ്പറ്റി ഹെഡ്മാസ്റ്റര്‍ രാജു പി. വര്‍ഗീസും വിശദീകരിച്ചു. പ്രിന്‍സിപ്പല്‍ എസ്. ഡെയ്‌സി, ചന്ദ്രബാബു, പി.ടി. വര്‍ഗീസ്, സീഡ് കോഓര്‍ഡിനേറ്റര്‍ എല്‍സി, വര്‍ഗീസ് തോമസ് എന്നിവര്‍ പ്രസംഗിച്ചു.
