സീഡിന്റെ വിളവെടുപ്പ് കുട്ടികള്‍ക്ക് ഉത്സവമായി

 പന്തളം: തട്ടയില്‍ എസ്.കെ.വി.യു.പി.സ്‌കൂളിലെ മാതൃഭൂമി സീഡ് പ്രവര്‍ത്തകര്‍ നടത്തിയ കപ്പക്കൃഷിയുടെ വിളവെടുപ്പ് കുട്ടികള്‍ക്ക് ഉത്സവമായി. സ്‌കൂള്‍ ഗ്രൗണ്ടില്‍ കുഞ്ഞുകൈള്‍ നട്ടുനനച്ച് വിളയിച്ച കപ്പ അവര്‍ക്കുതന്നെ ഭക്ഷണമായി.
 അധ്വാനത്തിന്റെ പ്രയോജനവും സംതൃപ്തിയും കൃഷിപാഠവും വിളവെടുപ്പിലൂടെ അവര്‍ മനസ്സിലാക്കി.
ഗ്രാമപ്പഞ്ചായത്തംഗം കെ.എന്‍.മനോജ് ഉദ്ഘാടനം ചെയ്തു.
സ്‌കൂള്‍ മാനേജര്‍ പി.വി.കൃഷ്ണപിള്ള, എന്‍.എസ്.എസ്. സെന്‍ട്രല്‍ കമ്മിറ്റി സെക്രട്ടറി എ.കെ.വിജയന്‍, പി.ടി.എ. പ്രസിഡന്റ് അനന്തകൃഷ്ണന്‍, ബിനി, കൃഷിവികസന ഓഫീസര്‍ ഷാജി, പ്രഥമാധ്യാപിക ആര്‍.അനിതാകുമാരി, സീഡ് കോഓര്‍ഡിനേറ്റര്‍ വി.സന്തോഷ്‌കുമാര്‍, അധ്യാപകരായ വി.കെ.പ്രകാശ്, എസ്.സുധാദേവി, കെ.എസ്.ശ്രീലക്ഷ്മി, ദീപ ബി.പിള്ള, രമ്യാകൃഷ്ണന്‍, ജി.ചിത്ര എന്നിവര്‍ പ്രസംഗിച്ചു.