ആയൂര്‍: മഞ്ഞപ്പാറ എം.എസ്.യു.പി. സ്‌കൂളിലെ മാതൃഭൂമി സീഡ് യൂണിറ്റിന്റെ നേതൃത്വത്തില്‍ പനി പ്രതിരോധ ഹോമിയോ മെഡിക്കല്‍ ക്യാമ്പ് നടത്തി. പി.ടി.എ. പ്രസിഡന്റ് ഇബ്രാഹിംകുഞ്ഞ് അധ്യക്ഷത വഹിച്ചു. ജില്ലാ പഞ്ചായത്ത് മുന്‍ പ്രസിഡന്റ് അഡ്വ. ആര്‍.ഗോപാലകൃഷ്ണപിള്ള ഉദ്ഘാടനം ചെയ്തു. പ്രഥമാധ്യാപിക നൂര്‍ജഹാന്‍ ബീവി, സീനിയര്‍ അസിസ്റ്റന്റ് കെ.സൗദാമിനി, സീഡ് കോഓര്‍ഡിനേറ്റര്‍ ഡി.പ്രീത, സ്വാതി മുബാറക്, ഇവന്റ് മാനേജ്‌മെന്റ് പ്രതിനിധികളായ ഹിബത്തുള്ള, അബിന്‍ മുഹമ്മദ് എന്നിവര്‍ പരിപാടിക്ക് നേതൃത്വം നല്‍കി. കൊല്ലം ഡി.എം.ഒ.യുടെ നേതൃത്വത്തിലുള്ള സംഘം ക്യാമ്പില്‍ പങ്കെടുത്തു.
