എഴുകോണ്‍: ചൊവ്വള്ളൂര്‍ സെന്റ് ജോര്‍ജ്‌സ് സ്‌കൂളിലെ സീഡ് യൂണിറ്റിന്റെ നേതൃത്വത്തില്‍ ലഹരിവിരുദ്ധ ബോധവത്കരണ സെമിനാര്‍ നടത്തി. സ്‌കൂള്‍ പ്രിന്‍സിപ്പല്‍ സി.ടി.തോമസ് ഉദ്ഘാടനം ചെയ്തു. ജി.തുളസീധരന്‍ പിള്ള അധ്യക്ഷത വഹിച്ചു. ലഹരിവിമുക്തകന്ദ്രം ഡയറക്ടര്‍ അലക്‌സാണ്ടര്‍ ജേക്കബ് ക്ലാസെടുത്തു. യുവജനക്ഷേമ ബോര്‍ഡും നാഷണല്‍ സര്‍വീസ് സ്‌കീമും സംയുക്തമായി പുറത്തിറക്കിയ ലഘുലേഖകള്‍ ചടങ്ങില്‍ വിതരണം ചെയ്തു. സന്തോഷ് ബേബി എ.കെ., ആശ്രയ കോഓര്‍ഡിനേറ്റര്‍ രാധാകൃഷ്ണന്‍, സീഡ് കോഓര്‍ഡിനേറ്റര്‍ സുരേഷ്‌കുമാര്‍ തുടങ്ങിയവര്‍ സംസാരിച്ചു.
