ചെര്‍ക്കള: പ്രകൃതി സംരക്ഷണത്തിന്റെ പ്രാധാന്യം വ്യക്തമാക്കുന്നതിനായി ചെര്‍ക്കള മാര്‍തോമ ബധിരവിദ്യാലയത്തില്‍ വാര്‍ത്താധിഷ്ഠിത ചിത്രപ്രദര്‍ശനം നടത്തി. നാശോന്മുഖമായിക്കൊണ്ടിരിക്കുന്ന പ്രകൃതിയുടെ കാഴ്ചകള്‍ കുട്ടികളിലെത്തിക്കുന്നതിനും സംരക്ഷണത്തിന്റെ പ്രാധാന്യം ബോധ്യപ്പെടുത്തുന്നതിനുമാണ് പ്രദര്‍ശനം നടത്തിയത്. സീഡ് ക്ലബിന്റെ നേതൃത്വത്തിലാണ് പ്രദര്‍ശനവും ബോധവത്കരണവും നടന്നത്.സ്‌കൂള്‍ മാനേജര്‍ ഫാ. വൈ.അലക്‌സ് ഉദ്ഘാടനം ചെയ്തു. പ്രഥമാധ്യാപകന്‍ സക്കറിയ തോമസ് അധ്യക്ഷനായി. സീഡ് കോ-ഓര്‍ഡിനേറ്റര്‍ എ.കെ.ബിന്ദു സ്വാഗതം പറഞ്ഞു.
