അഞ്ചാംതവണയും ജൈവനെൽകൃഷിയിറക്കി കൊട്ടില സ്കൂൾ സീഡ് ക്ലബ്ബ്

 പിലാത്തറ: അഞ്ചാംതവണയും ജൈവ നെൽകൃഷിക്ക് ഞാറ് നട്ട് കൊട്ടില ഗവ. ഹൈസ്കൂൾ സീഡ് ക്ലബ്ബ്. ഇക്കഴിഞ്ഞ വർഷങ്ങളിൽ കൊട്ടില വയലിൽ കൃഷിചെയ്ത വിദ്യാർഥി കൂട്ടായ്മയാണ് ഇക്കുറിയും വയലിലിറങ്ങിയത്. ആതിര നെൽവിത്ത് പാകിമുളപ്പിച്ച ഞാറിന്റെ നടീൽകൃഷി പഞ്ചായത്ത് പ്രസിഡന്റ് പി.ശ്രീദേവി ഉദ്ഘാടനം ചെയ്തു. പ്രഥമാധ്യാപകൻ വി.ഗോപിനാഥൻ, കെ.മനോഹരൻ, എം.പി.പ്രസന്ന, കെ.കെ.ശശികുമാർ, ഇ.വി.ഗോവിന്ദൻ എന്നിവർ നേതൃത്വം നല്കി. സീഡ് കോ ഓർഡിനേറ്റർ എ.നാരായണൻ സ്വാഗതം പറഞ്ഞു.