ചാരുംമൂട്: താമരക്കുളം വി.വി.എച്ച്.എസ്.എസ്. മാതൃഭൂമി സീഡ് ക്ളബ്ബിന്റെ നേതൃത്വത്തിൽ റേഡിയോ ക്ളബ്ബ് പ്രവർത്തനം തുടങ്ങി. ആകാശവാണി തിരുവനന്തപുരം നിലയം പ്രോഗ്രാം എക്സിക്യൂട്ടീവ് മുരളീധരൻ തഴക്കര ഉദ്ഘാടനം ചെയ്തു.
ആകാശത്തിലെ സർവകലാശാലയാണ് ആകാശവാണിയെന്നും കുട്ടികളുടെ സർഗ്ഗവാസനകളെ പരിപോഷിപ്പിക്കാൻ ആകാശവാണി പങ്കുവഹിക്കുന്നുണ്ടെന്നും അദ്ദേഹം പറഞ്ഞു.
ബഷീർ ദിനാചരണത്തിന്റെ ഭാഗമായി ബഷീറും കുട്ടികളും വിഷയത്തിൽ ചുനക്കര ജനാർദ്ദനൻ നായർ പ്രബന്ധം അവതരിപ്പിച്ചു.
പി.ടി.എ.പ്രസിഡന്റ് എസ്.മധുകുമാർ അധ്യക്ഷത വഹിച്ചു.
ഹെഡ്മിസ്ട്രസ് സുനിത ഡി.പിള്ള, പ്രിൻസിപ്പൽ ജി.ജി.എച്ച്.നായർ, ഡെപ്യൂട്ടി ഹെഡ്മാസ്റ്റർ എ.എൻ.ശിവപ്രസാദ്. എൻ.രാധാകൃഷ്ണപിള്ള, എം.മാലിനി, ആർ.അനിൽകുമാർ, വിനോദ്കുമാർ, സീഡ് കോ-ഓർഡിനേറ്റർ എൽ.സുഗതൻ എന്നിവർ പ്രസംഗിച്ചു.
താമരക്കുളം വി.വി.എച്ച്.എസ്.എസ.് മാതൃഭൂമി സീഡ് ക്ളബ്ബിെന്റ റേഡിയോ ക്ളബ്ബ് ആകാശവാണി പ്രോഗ്രാം എക്സിക്യൂട്ടീവ് മുരളീധരൻ തഴക്കര ഉദ്ഘാടനം ചെയ്യുന്നു
