കാരിക്കോട് കെ.എ.എം. യു.പി.സ്‌കൂളില്‍ സീഡ് പ്രവര്‍ത്തനം തുടങ്ങി

കാരിക്കോട്: പരിസ്ഥിതിസൗഹാര്‍ദ്ദത്തിന് മാതൃക കാട്ടി കാരിക്കോട് കെ.എ.എം. യു.പി.സ്‌കൂളിലെ സീഡ് പ്രവര്‍ത്തനത്തിന് തുടക്കമായി. ഗ്രാമപ്പഞ്ചായത്തംഗം വാസുദേവന്‍ നായര്‍ ഔഷധത്തൈകള്‍, ഫലവൃക്ഷത്തൈകള്‍ എന്നിവ വിതരണം ചെയ്താണ് പദ്ധതി ഉദ്ഘാടനം ചെയ്തത്. പൂമരങ്ങളുടെയും തണല്‍മരങ്ങളുടെയും തൈകളും വിതരണം ചെയ്തു.
ചടങ്ങില്‍ വൃക്ഷങ്ങള്‍ക്ക് മനുഷ്യജീവിതത്തിലുള്ള പ്രധാന്യത്തെപ്പറ്റി സ്‌കൂള്‍ പ്രഥമാധ്യാപിക ലില്ലിക്കുട്ടി കുട്ടികള്‍ക്ക് പറഞ്ഞുകൊടുത്തു. മാനേജര്‍ അബു മാത്യു, പി.ടി.എ. പ്രസിഡന്റ് ഷൈനി ജെയ്‌സണ്‍, സീഡ് കോഓര്‍ഡിനേറ്റര്‍ ജിനി വര്‍ഗീസ്, സ്റ്റാഫ് സെക്രട്ടറി ഫാ. കെ.ഒ.ജോയി എന്നിവര്‍ പ്രസംഗിച്ചു.