ചിന്മയ വിദ്യാലയത്തില് ‍സീഡ് പ്രവര്‍ത്തനം തുടങ്ങി

കോട്ടയം: ഇല്ലിക്കല്‍ ചിന്മയ വിദ്യാലയത്തില്‍ ഇക്കോ ക്ലബ്ബിന്റെ നേതൃത്വത്തില്‍ സീഡ് പ്രവര്‍ത്തനം പരിസ്ഥിതിദിനാഘോഷത്തോടെ തുടങ്ങി. മഹാത്മാഗാന്ധി സര്‍വ്വകലാശാല എന്‍വയോണ്‍മെന്റല്‍ സയന്‍സ് വിഭാഗം മേധാവി ഡോ.ജി.അരവിന്ദ കുമാര്‍ പരിസ്ഥിതി അവലോകന ക്ലാസ് നയിച്ചു. തുടര്‍ന്ന് പരിസ്ഥിതി വിഷയമാക്കി സമൂഹ ചിത്രരചന, വൃക്ഷത്തൈവിതരണം എന്നിവ നടത്തി. സ്‌കൂള്‍ അങ്കണത്തില്‍ പൂച്ചെടികള്‍ നട്ട് പൂന്തോട്ട നിര്‍മ്മാണത്തിനും തുടക്കമിട്ടു. സീഡ് കോഓര്‍ഡിനേറ്റര്‍ കവിതാരാജഗോപാല്‍, ദീപാ അനു എന്നിവര്‍ നേതൃത്വം നല്‍കി.