കോട്ടയം: നക്ഷത്രവനം, നാട്ടുമാന്തോപ്പ് എന്നിവയുടെ നിര്‍മാണത്തിന് കാണക്കാരി ഗവ. വി.എച്ച്.എസ്.എസ്സിലെ സീഡ് പ്രവര്‍ത്തകര്‍ തുടക്കമിട്ടു.
പി.ടി.എ. പ്രസിഡന്റ് മുഹമ്മദ് ജലീല്‍ അത്തിമരംനട്ട് പദ്ധതി ഉദ്ഘാടനംചെയ്തു.
27 നാളുകളിലെ മരങ്ങള്‍നട്ട് പരിപാലിക്കുകയെന്ന ലക്ഷ്യത്തോടെയാണ് നക്ഷത്രവനം പദ്ധതി ആരംഭിച്ചത്. നാടന്‍ മാവിനങ്ങളായ പുളിയന്‍, ഞെട്ടുകുഴിയന്‍, മൂവാണ്ടന്‍, കിളിച്ചുണ്ടന്‍ എന്നിവയുടെ സംരക്ഷണത്തിനാണ് നാട്ടുമാന്തോപ്പ് നിര്‍മിക്കുന്നത്.
എസ്.എം.സി. അംഗം ആന്‍ഡ്രൂസ്, പ്രഥമാധ്യാപകന്‍ സുരേഷ് മാത്യു, പ്രിന്‍സിപ്പല്‍ ലിജിയ ജോസ്, എന്‍.എസ്.എസ്. കോഓര്‍ഡിനേറ്റര്‍ വിജയമ്മ, സീഡ് കോഓര്‍ഡിനേറ്റര്‍ സൂരത്ത് എന്നിവര്‍ പങ്കെടുത്തു.
