പ്രതിജ്ഞയെടുത്ത് ‘സീഡ്’ പ്രവർത്തനത്തിന് തുടക്കം

തൃക്കോതമംഗലം: പച്ചപ്പ് നിറഞ്ഞ ഭൂമിയെ പ്രതീകമാക്കി പച്ചിലകളും പൂക്കളുംകൊണ്ട് അലങ്കരിച്ച ഗ്ലോബുകളും കൈകളിലേന്തി സീഡ്പ്രതിജ്ഞ ചൊല്ലിക്കൊണ്ട്, തൃക്കോതമംഗലം എൻ.എസ്.എസ്.യു.പി. സ്കൂളിൽ സീഡ് പ്രവർത്തനത്തിന് തുടക്കമായി.സ്കൂൾ പ്രഥമാധ്യാപകൻ എസ്.വിനോദ് കുമാർ പ്രതിജ്ഞ ചൊല്ലിക്കൊടുത്തു.തുടർന്നുനടന്ന പരിസ്ഥിതി സെമിനാർ പി.ടി.എ. പ്രസിഡന്റ് ടി.സി. ജയതിലകൻ ഉദ്ഘാടനം ചെയ്തു. സനൽ പുതുപ്പള്ളി ക്ലാസെടുത്തു. മാതൃഭൂമി എജന്റ് കെ.സി രവീന്ദ്രനാഥ് അതിഥിയായി പങ്കെടുത്തു. ലത എൻ. നായർ, പ്രീത എസ്.നായർ, ആർ. ജയശ്രീ, ബി.പുഷ്പകുമാരി, അനു എന്നിവർ നേതൃത്വം നൽകി. വൃക്ഷത്തൈ നടീൽ, ചിത്രരചന, പരിസ്ഥിതി പ്രശ്നോത്തരി എന്നിവയും നടന്നു.