കൊടക്കാട് കേളപ്പജിയിൽ കറിവേപ്പിലത്തൈ നട്ട് സീഡ് പ്രവർത്തനം തുടങ്ങി

ചെറുവത്തൂർ: കൊടക്കാട് കേളപ്പജി മെമ്മോറിയൽ വൊക്കേഷണൽ ഹയർ സെക്കൻഡറി സ്കൂളിൽ പരിസ്ഥിതിദിനത്തിൽ മാതൃഭൂമി സീഡ് യൂണിറ്റ് പ്രവർത്തനം തുടങ്ങി. സ്കൂൾമുറ്റത്ത് കറിവേപ്പിലത്തൈ നട്ടായിരുന്നു തുടക്കം. തുടർന്ന് പേര, നാട്ടുമാവ് തുടങ്ങിയ ഫലവൃക്ഷത്തൈകൾ നട്ടുപിടിപ്പിച്ചു. 

പരിസ്ഥിതിസംരക്ഷണത്തിന്റെ പ്രാധാന്യവും സമൂഹനന്മ കുട്ടികളിലൂടെ എന്ന സീഡ് സന്ദേശവും പ്രിൻസിപ്പൽ എം.വിശ്വനാഥൻ കുട്ടികളിലേക്ക് പകർന്നു. ഒ.എം.അജിത്, ഒ.വി.ചിത്രേശൻ, ഷാജിത്ത് കുമാർ എന്നിവർ സംസാരിച്ചു.