പെരിങ്ങോം: പെരിന്തട്ട നോർത്ത് എൽ.പി. സ്കൂളിൽ പരിസ്ഥിതിദിനാഘോഷം പഞ്ചായത്തംഗം എ.വി.ബിന്ദു ഉദ്ഘാടനം ചെയ്തു. സ്കൂൾപരിസരത്ത് വൃക്ഷത്തൈകൾ നട്ടു. പ്രഥമാധ്യാപിക കെ.ശ്രീലത അധ്യക്ഷതവഹിച്ചു. സി.വി.ബാബു പ്രസംഗിച്ചു. മാതമംഗലം ഗവ. ഹയർ സെക്കൻഡറി സ്കൂൾ എൻ.എസ്.എസ്. യൂണിറ്റ് വിദ്യാർഥികൾ പരിസ്ഥിതിദിനാചരണത്തിന്റെ ഭാഗമായി പശ്ചിമഘട്ടസംരക്ഷണ ജാഥ നടത്തി. വിവിധ വൃക്ഷത്തൈകൾ നട്ടു. ആർ.പി.സുനിൽകുമാർ, വി.മനോജ്, എം.ദേവാനന്ദൻ എന്നിവർ നേതൃത്വം നല്കി. മാതമംഗലം ഗവ. എൽ.പി. സ്കൂളിൽ പരിസ്ഥിതിദിനാചരണം പഞ്ചായത്ത് പ്രസിഡന്റ് കെ.ബി.ബാലകൃഷ്ണൻ വൃക്ഷത്തൈനട്ട് ഉദ്ഘാടനം ചെയ്തു. കെ.കെ.മൻസൂർ അധ്യക്ഷതവഹിച്ചു. പ്രഥമാധ്യാപകൻ സി.പി.കെ.ശ്രീധരൻ, കെ.വി.ഗിരീഷ്, കെ.ആർ.ശോഭന എന്നിവർ പ്രസംഗിച്ചു.
