മരം നട്ട് പരിസ്ഥിതിദിനാഘോഷം

 മാതമംഗലം ആദർശ ഇംഗ്ലീഷ് സ്കൂളിൽ പ്രിൻസിപ്പൽ എ.എം.സ്മിതയുടെ നേതൃത്വത്തിൽ വിദ്യാലയപരിസരത്ത് വൃക്ഷത്തൈകൾ നട്ടു. പരിസ്ഥിതിദിന സന്ദേശം നല്കി.

കടന്നപ്പള്ളി യു.പി. സ്കൂളിൽ പി.ടി.എ. പ്രസിഡന്റ് ഒ.കെ.നാരായണൻ വൃക്ഷത്തൈ നട്ട് ഉദ്ഘാടനം ചെയ്തു. പ്രകൃതിസംരക്ഷണ പ്രതിജ്ഞ നടന്നു. പ്രഥമാധ്യാപിക ടി. രാധ അധ്യക്ഷയായിരുന്നു. സീഡ് കോ-ഓർഡിനേറ്റർ കെ.അജയൻ ക്ലാസെടുത്തു.

 ഡി.സി.ദീപക്, കെ.സതീദേവി, പി.പി.മധു, പി.ഷമീറ, ടി.രമണി, പി.വി.ശൈലജ, കെ.ആർ.ബിന്ദു, കെ.പി.ഉഷ എന്നിവർ സംസാരിച്ചു.

ചെറുകുന്ന് എസ്.കെ.എസ്.എസ്.എഫ്. പരിസ്ഥിതി കാമ്പയിൻ പാണക്കാട് സയ്യിദ് റഷീദലി ശിഹാബ് തങ്ങൾ ഉദ്ഘാടനം ചെയ്തു.

 ശഹീർ പാപ്പിനിശ്ശേരി അധ്യക്ഷത വഹിച്ചു. സി.വി.അബ്ദുൾ ഖാദർ, ഹംസ ബാഖവി, അബ്ദുൾ ഖാദർ ഫർവനി, സയ്യിദ് മശ്ഹൂർ തങ്ങൾ, അസ്കർ മൗലവി, റശീദ് പൊറോറ, ഹലീം മാട്ടൂൽ എന്നിവർ സംസാരിച്ചു. അബ്ദുലത്തീഫ് പന്നിയൂർ സ്വാഗതവും റഹിം പുതിയങ്ങാടി നന്ദിയും പറഞ്ഞു.