ചെറുമുണ്ടശ്ശേരി: ചെറുമുണ്ടശ്ശേരി എ.യു.പി.സ്‌കൂള്‍ ഹരിതം സീഡ് ക്ലബ്ബിന്റെ ആഭിമുഖ്യത്തില്‍ അമ്പലപ്പാറ മുതല്‍ മുരുക്കുംപറ്റവരെയുള്ള വഴിയോരത്തുള്ള വൃക്ഷങ്ങളെയാണ് നിരീക്ഷിച്ചത്. സീഡ് കോ-ഓഡിനേറ്റര്‍ എന്‍. അച്യുതാനന്ദന്റെ മേല്‍ നോട്ടത്തില്‍ പി. രജീഷിന്റെ നേതൃത്വത്തിലുള്ള വിദ്യാര്‍ഥിസംഘമാണ് നിരീക്ഷണം നടത്തിയത്. മരങ്ങളില്‍ ആണിതറച്ചും, കെട്ടിവച്ചും, ഒട്ടിച്ചും വച്ച പരസ്യബോര്‍ഡുകളുടെ വിശദാംശങ്ങള്‍ സംഘാംഗങ്ങള്‍ രേഖപ്പെടുത്തി. വിദ്യാര്‍ഥികളുടെ പുതുമയാര്‍ന്ന പ്രവര്‍ത്തനത്തെ നാട്ടുകാര്‍ കൗതുകത്തോടെയാണ് വീക്ഷിച്ചത്. നിരീക്ഷണറിപ്പോര്‍ട്ടും നിവേദനവും അമ്പലപ്പാറ പഞ്ചായത്ത് സെക്രട്ടറി കെ. സതീഷ്‌കുമാറിന് കൈമാറി.
