ഒറ്റപ്പാലം: നാട്ടിലെ വേറിട്ട വ്യക്തിത്വങ്ങളെ പരിചയപ്പെടുത്തി വിദ്യാര്‍ഥികള്‍ ഒരുക്കിയ ദേശാടനം ഡേക്യുമെന്ററി ശ്രദ്ധേയമായി. വരോട് യു.പി. സ്‌കൂളിലെ സീഡ് ക്ലബ്ബംഗങ്ങളാണ് ചിത്രമൊരുക്കിയത്. ഫോട്ടോഗ്രാഫര്‍ ജ്യോതി തേക്കിന്‍കാട്ടില്‍ പ്രകാശനം നിര്‍വഹിച്ചു. ഫോട്ടോഗ്രാഫി, കല, കൃഷി, മൃഗപരിപാലനം എന്നിങ്ങനെ വ്യത്യസ്തമേഖലകളില്‍ വ്യക്തിമുദ്ര പതിപ്പിച്ച ഏഴ് വ്യക്തികളെ ഉള്‍പ്പെടുത്തിയാണ് ചിത്രം തയ്യാറാക്കിയത്. ആദ്യപ്രദര്‍ശനം സ്‌കൂളില്‍ നടന്നു. പി.ടി.എ. പ്രസിഡന്റ് ഉസ്മാന്‍ കരണംകോട്, പ്രധാനാധ്യാപിക വിലാസിനി, സീഡ് കോഓര്‍ഡിനേറ്റര്‍ കൃഷ്ണരാജ്, സീഡ് എക്‌സിക്യൂട്ടീവ് ജസ്റ്റിന്‍, സീഡ് റിപ്പോര്‍ട്ടര്‍ സജിമ സന്തോഷ് എന്നിവര്‍ പ്രസംഗിച്ചു.
