വെളിയം:തീര്‍ത്ഥാടനകാലത്ത് ശിവഗിരിമഠവും പരിസരവും ശുചീകരിക്കുന്നതിന് വെളിയം ടി.വി.എം.എച്ച്.എസ്സിലെ സീഡ് വിദ്യാര്‍ഥികള്‍ എത്തി.
വര്‍ക്കല തിരുസന്നിധിയിലെത്തിയ വിദ്യാര്‍ഥികള്‍ക്ക് ശുചീകരണത്തിന് ശ്രീനാരായണ കള്‍ച്ചറല്‍ സെന്‍ട്രല്‍ മൂവ്‌മെന്റ് ജന.സെക്രട്ടറി നേതൃത്വം നല്‍കി. ഗുരുധര്‍മ്മ പ്രചരണസഭ സെക്രട്ടറി സ്വാമി ഗുരുപ്രസാദ് ബോധവത്കരണക്ലാസ് എടുത്തു.
ശുചീകരണത്തിന്റെ ഉദ്ഘാടനവും അദ്ദേഹം നടത്തി. വി.ടി.ശശീന്ദ്രന്‍ ചടങ്ങില്‍ സംബന്ധിച്ചു. പി.ടി.എ. പ്രസിഡന്റ് അശോകന്‍, അധ്യാപകരായ രാജേശ്വരി രാജേന്ദ്രന്‍, റോജ രവീന്ദ്രന്‍, അനന്തു എന്നിവര്‍ സംസാരിച്ചു.
