എഴുകോണ്‍: ചൊവ്വള്ളൂര്‍ സെന്റ് ജോര്‍ജസ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ മാതൃഭൂമി സീഡ് ക്ലബിന്റെ നേതൃത്വത്തില്‍ ഇടയ്ക്കിടം ചിറത്തലയ്ക്കല്‍ കുളം ശുചീകരിച്ചു.
ജലസംരക്ഷണ പ്രവര്‍ത്തനങ്ങളുടെ ഭാഗമായി നടന്ന ശുചീകരണം ഗ്രാമപ്പഞ്ചായത്ത് അംഗം സി.ഉദയകുമാര്‍ ഉദ്ഘാടനം ചെയ്തു. സ്‌കൂള്‍ പ്രിന്‍സിപ്പല്‍ സി.ടി.തോമസ്, സീഡ് കോ-ഓര്‍ഡിനേറ്റര്‍ സുരേഷ്‌കുമാര്‍ തുടങ്ങിയവര്‍ നേതൃത്വം നല്‍കി. ഗ്രാമപ്പഞ്ചായത്തിന്റെയും ഫിഷറീസ് വകുപ്പിന്റെ അനുമതിയോടെ ചിറത്തലയ്ക്കല്‍ കുളത്തില്‍ മത്സ്യക്കൃഷി നടത്താനാണ് സീഡ് ക്ലബ്ബിന്റെ തീരുമാനം.
