കൊല്ലം: സംസ്ഥാനത്തെ ഏറ്റവും നല്ല സ്‌കൂള്‍ ടൂറിസം ക്ലബ്ബിനുള്ള 2013 വര്‍ഷത്തെ സംസ്ഥാന സര്‍ക്കാര്‍ അവാര്‍ഡ് താമരക്കുടി ശിവവിലാസം വൊക്കേഷണല്‍ ഹയര്‍ സെക്കന്‍ഡറി സ്‌കൂളിന് ലഭിച്ചു. സ്‌കൂളിലെ മാതൃഭൂമി സീഡ് ക്ലബ്ബിന്റെ നേതൃത്വത്തില്‍ നടത്തിയ കാവുകളുടെ സംരക്ഷണ പ്രവര്‍ത്തനങ്ങള്‍, ശബരിമല കേന്ദ്രീകരിച്ച് നടത്തിയ ശുചീകരണ പ്രവര്‍ത്തനങ്ങള്‍, എരുമേലി, പമ്പ കാനനപാതയിലെ പ്ലാസ്റ്റിക് മാലിന്യ നിര്‍മ്മാര്‍ജ്ജന പ്രവര്‍ത്തനങ്ങള്‍, കൊല്ലം തെന്മല റൂട്ടില്‍ ടൂറിസ്റ്റ് മാപ്പ് തയ്യാറാക്കല്‍ തുടങ്ങിയ പ്രവര്‍ത്തനങ്ങളെ മുന്‍നിര്‍ത്തിയാണ് അവാര്‍ഡ്.
2011-ല്‍ ജില്ലയിലെ മികച്ച സീഡ് ക്ലബ്ബിനുള്ള ശ്രേഷ്ഠഹരിത വിദ്യാലയ അവാര്‍ഡും 2010, 2012 വര്‍ഷങ്ങളില്‍ വിദ്യാഭ്യാസ ജില്ലയിലെ മികച്ച സീഡ് ക്ലബ്ബിനുള്ള ഹരിത വിദ്യാലയ അവാര്‍ഡും സ്‌കൂളിന് ലഭിച്ചജജിട്ടുണ്ട്.
ദേശീയ, സംസ്ഥാന സര്‍ക്കാരുകളുടെ മികച്ച അധ്യാപകനുള്ള അവാര്‍ഡുകള്‍ ലഭിച്ച സ്‌കൂള്‍ പ്രിന്‍സിപ്പല്‍ കെ.ജി.അശോക് കുമാറിന്റെ നേതൃത്വത്തില്‍ അധ്യാപകരുടെയും കുട്ടികളുടെയും കൂട്ടായ പ്രവര്‍ത്തനങ്ങളാണ് സ്‌കൂളിന് അംഗീകാരങ്ങള്‍ ലഭിക്കാന്‍ ഇടയാക്കിയത്.
