അമലനഗര്‍:കേച്ചേരി അല്‍അമീന്‍ ഹയര്‍ സെക്കന്‍ഡറി സ്‌കൂളിലെ നാഷണല്‍ സര്‍വ്വീസ് സ്‌കീം ക്രിസ്മസ്സിനോടനുബന്ധിച്ച് അമല മെഡിക്കല്‍ കോളേജിലെ നിര്‍ധനരായ കാന്‍സര്‍ രോഗികളുടെ ആശ്രിതര്‍ക്ക് ഭക്ഷണപ്പൊതികള്‍ വിതരണം ചെയ്തു. വീടുകളില്‍നിന്ന് തയ്യാറാക്കിക്കൊണ്ടുവന്ന 400-ഓളം ഭക്ഷണപ്പൊതികളുടെ വിതരണം അമല ആസ്പത്രി അസിസ്റ്റന്റ് ഡയറക്ടര്‍ ഫാ. ജെയ്‌സന്‍ മുണ്ടന്മാണി ഉദ്ഘാടനം ചെയ്തു. ഹെഡ്മിസ്ട്രസ് കൊച്ചുത്രേസ്യ, പ്രിന്‍സിപ്പല്‍ ഇന്‍ ചാര്‍ജ് ജിസന്‍ കാക്കശ്ശേരി, സ്റ്റാഫ് സെക്രട്ടറി ഐ. മുഹമ്മദ്, അധ്യാപകരായ കിറ്റോ പി.ടി., റെയ്യാനത്ത്, ജനീഷ്, എന്‍.എസ്.എസ്. പ്രോഗ്രാം ഓഫീസര്‍ ലിന്‍േറാ വടക്കന്‍ എന്നിവര്‍ നേതൃത്വം നല്‍കി.
