വടക്കാഞ്ചേരി: ഗവ. ഗേള്‍സ് സ്‌കൂളിലെ സീഡ് അംഗങ്ങള്‍ നടത്തുന്ന ജീവകാരുണ്യ പ്രവര്‍ത്തനങ്ങളുടെ ഭാഗമായി പൊതിച്ചോറ് വിതരണം ചെയ്തു. സ്വന്തം വീടുകളില്‍നിന്നും കൊണ്ടുവന്ന 150 ഭക്ഷണപ്പൊതികള്‍ വടക്കാഞ്ചേരി ജില്ലാ ആസ്പത്രിയിലെ രോഗികള്‍ക്കും കുടുംബങ്ങള്‍ക്കുമാണ് നല്‍കിയത്. ആസ്പത്രി സൂപ്രണ്ട് ഡോ. ഒ. അജിത്ത്, പി.ടി.എ. പ്രസിഡന്റ് ഉമ്മര്‍, വ്യാപാരി വ്യവസായി ഏകോപനസമിതി പ്രസിഡന്റ് അജിത്കുമാര്‍ മല്ലയ്യ, കാരുണ്യ ട്രസ്റ്റ് ചെയര്‍മാന്‍ വി.വി. ഫ്രാന്‍സിസ് എന്നിവര്‍ പ്രസംഗിച്ചു. സീഡ് കോ-ഓര്‍ഡിനേറ്റര്‍ ഇ.എന്‍. ശാന്ത പരിപാടിക്ക് നേതൃത്വം നല്‍കി.
