വേറിട്ട കാഴ്ചകളുമായി വരോട് എ.യു.പി. സ്‌കൂളിലെ വിദ്യാര്‍ഥികളുടെ ഡോക്യുമെന്ററി
Posted By : pkdadmin On 19th November 2013
ഒറ്റപ്പാലം: നാട്ടിലെ അറിയപ്പെടാത്ത വേറിട്ട വ്യക്തിത്വങ്ങളെ പരിചയപ്പെടുത്താന്‍ വിദ്യാര്‍ഥി ക്കൂട്ടായ്മയില്‍ ഡോക്യുമെന്ററി ഒരുങ്ങുന്നു. വരോട് എ.യു.പി. സ്‌കൂളിലെ സീഡ്ക്ലബ്ബ് അംഗങ്ങളാണ് 'ദേശാടനം' എന്ന ഡോക്യുമെന്ററി തയ്യാറാക്കുന്നത്. ലോക ഫോട്ടോഗ്രാഫിദിനത്തില്‍ ചിത്രീകരണംതുടങ്ങി ഗോപിനാഥ് മുതുകാടിനൊപ്പം നാലുമാസക്കാലം വിവിധ സംസ്ഥാനങ്ങളിലൂടെ 'സ്വരാജ് വിസ്മയയാത്ര' യില്‍ പങ്കാളിയായ ഒറ്റപ്പാലത്തെ ഫോട്ടോഗ്രാഫര്‍ ജ്യോതി തേക്കിന്‍കാട്ടിലിന്റെ വിശേഷങ്ങളാണ് ആദ്യം ചിത്രീകരിച്ചത്. ഇദ്ദേഹം പകര്‍ത്തിയ 400 ഓളം ഫോട്ടോകളുടെ പ്രദര്‍ശനവും അടിക്കുറിപ്പ് മത്സരവും നടന്നു.കല, കൃഷി, ശാസ്ത്രം എന്നിങ്ങനെയുള്ള മേഖലകളില്‍ മികവ് തെളിയിച്ചവരെ ഉള്‍പ്പെടുത്തിയാണ് ഡോക്യുമെന്ററി. സീഡ് കോ-ഓര്‍ഡിനേറ്റര്‍ കൃഷ്ണരാജ് പ്രവര്‍ത്തനങ്ങള്‍ക്ക് നേതൃത്വം നല്‍കി.