ശുചിത്വസന്ദേശവുമായിതെരുവുനാടകം
Posted By : pkdadmin On 19th November 2013
അമ്പലപ്പാറ: രോഗങ്ങളെ അകറ്റാന്‍ പരിസരശുചിത്വത്തിന്റെ പാഠങ്ങളുമായി വിദ്യാര്‍ഥികള്‍ സ്‌കൂളിന് പുറത്തേക്ക്. ചെറുമുണ്ടശ്ശേരി എ.യു.പി. സ്‌കൂളിലെ ഹരിതം സീഡ് ക്ലബ്ബ് അംഗങ്ങളാണ് 'കൂത്താടിക്കൂട്ടം' എന്ന നാടകവുമായി ആരോഗ്യസന്ദേശം പ്രചരിപ്പിച്ചത്. വിദ്യാലയം നടപ്പാക്കുന്ന മഴക്കാലരോഗ ബോധവത്കരണപരിപാടിയായ 'ജാഗ്രത'യുടെ തുടര്‍ പരിപാടിയാണ് തെരുവുനാടകം. വീടുകളില്‍ ശുചിത്വസന്ദേശം വിതരണം ചെയ്തു. ശുചീകരണവുമുണ്ടായി. പ്രധാനാധ്യാപിക കെ. ഇന്ദിര, സീഡ് കോ-ഓര്‍ഡിനേറ്റര്‍ എന്‍. അച്യുതാനന്ദന്‍, കെ. ചന്ദ്രിക, ഡി. ഗോപീകൃഷ്ണന്‍, ബി. അനശ്വര എന്നിവര്‍ നേതൃത്വം നല്‍കി.