തിരുവിഴാംകുന്ന് സി.പി.എ.യു.പി. സ്‌കൂളില്‍ കേരളപ്പിറവി വാരാഘോഷം സമാപിച്ചു
Posted By : pkdadmin On 18th November 2013
തിരുവിഴാംകുന്ന്: കേരളപ്പിറവി വാരാഘോഷങ്ങളുടെ സമാപനത്തോടനുബന്ധിച്ച് തിരുവിഴാംകുന്ന് സി.പി.എ.യു.പി. സ്‌കൂള്‍ വിദ്യാര്‍ഥികള്‍ 'കേരളപ്പതിപ്പുകള്‍' നിര്‍മിച്ച് പ്രകാശനം നടത്തി. മാതൃഭൂമി സീഡ് ക്ലബ്ബ്, ഭാഷാ ക്ലബ്ബ് എന്നിവയുടെ മേല്‍നോട്ടത്തിലായിരുന്നു പതിപ്പ് നിര്‍മാണം. കേരളത്തിലെ വ്യത്യസ്തമായ സംഭവങ്ങള്‍, ചരിത്രക്കുറിപ്പുകള്‍, ഗാനങ്ങള്‍, ചിത്രങ്ങള്‍, കവിതകള്‍, ലേഖനം എന്നിവ ഉള്‍പ്പെടുത്തിയാണ് വിവിധ പേരുകളില്‍ കേരള രചന പതിപ്പ് തയ്യാറാക്കിയത്. 60 ലധികം കുട്ടികള്‍ പങ്കെടുത്തു. സമാപനയോഗം ടി. ശാലിനി ഉദ്ഘാടനം ചെയ്തു. രജനി, ലളിത, പ്രമീള, ജയചന്ദ്രന്‍ ചെത്തല്ലൂര്‍, വിദ്യാര്‍ഥികളായ ആതിര, അപര്‍ണ, അഭിരാം, സ്‌നേഹ, ദര്‍ശന, അനുശ്രി എന്നിവര്‍ പങ്കെടുത്തു.