വെട്ടിക്കവല ഗവ. മോഡല്‍ എച്ച്.എസ്.എസ്സില്‍ പച്ചക്കറിത്തോട്ടം
Posted By : klmadmin On 17th November 2013
കൊട്ടാരക്കര: വെട്ടിക്കവല കൃഷിഭവനും വെട്ടിക്കവല ഗവ. മോഡല്‍ ഹയര്‍ സെക്കന്‍ഡറി സ്‌കൂളിലെ സീഡ്ക്ലബ്, പരിസ്ഥിതി ക്ലബ് എന്നിവയും ചേര്‍ന്ന് സ്‌കൂള്‍ വളപ്പില്‍ പച്ചക്കറി കൃഷി ആരംഭിച്ചു.
പ്രത്യേകമായി തയ്യാറാക്കിയ കൃഷിയിടത്തില്‍ വിത്തുകള്‍ വിതച്ചു. എണ്ണൂറോളം വിദ്യാര്‍ഥികള്‍ക്ക് പച്ചക്കറി വിത്തുകള്‍ നല്‍കി. പി.ടി.എ. പ്രസിഡന്റ് സി.എസ്.പ്രദീപ്കുമാറിന്റെ അധ്യക്ഷതയില്‍ കൃഷിവകുപ്പ് ഡെപ്യൂട്ടി ഡയറക്ടര്‍ ജീന ജോണ്‍ ഉദ്ഘാടനം ചെയ്തു. വാര്‍ഡ് മെമ്പര്‍ പ്രസന്നകുമാരി, പ്രഥമാധ്യാപിക മോളിന്‍ എ.ഫെര്‍ണാണ്ടസ്, കൃഷി ഓഫീസര്‍ മലര്‍, കോ-ഓര്‍ഡിനേറ്റര്‍ പി.വിവേക്കുമാര്‍, പി.ജോണ്‍, പി.തുളസീധരന്‍, ഷമീനബീഗം, ബിജു എന്നിവര്‍ പ്രസംഗിച്ചു.