നെല്‍ക്കൃഷിയില്‍ നൂറുമേനി വിളയിച്ച് വിദ്യാര്‍ഥികള്‍
Posted By : klmadmin On 17th November 2013
കുണ്ടറ: കരനെല്‍ക്കൃഷിയില്‍ നൂറുമേനി വിളയിച്ച് വിദ്യാര്‍ഥികള്‍ കര്‍ഷകരായി. കാഞ്ഞിരകോട് സെന്റ് ആന്റണീസ് ഹയര്‍ സെക്കന്‍ഡറി സ്‌കൂളിലെ സീഡ് വിദ്യാര്‍ഥികളാണ് പേരയം കൃഷിഭവന്റെയും എന്‍.എസ്.എസ്. യൂണിറ്റിന്റെയും സഹായത്തോടെ സ്‌കൂളിന് സമീപം കരനെല്‍ക്കൃഷി ചെയ്തത്. തിങ്കളാഴ്ച 10ന് നടന്ന വിളവെടുപ്പ് പേരയം പഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ ജോണ്‍ പട്ടണ്ണാവില്‍ ഉദ്ഘാടനം ചെയ്തു. യോഗത്തില്‍ പഞ്ചായത്ത് അംഗം സുജ വില്‍ഫ്രഡ് അധ്യക്ഷയായി. ഫാ. സേവ്യര്‍ ലാസര്‍ മാതൃകാ കര്‍ഷകനായ ജോസഫിനെ ആദരിച്ചു. സ്‌കൂള്‍ മേധാവി സി.സന്തോഷ് കുമാര്‍, കരോളിന്‍, വസുന്ധരന്‍, വിനീത്, സീഡ് കോ-ഓര്‍ഡിനേറ്റര്‍ മാക്‌സ് പെരേര എന്നിവര്‍ സംസാരിച്ചു.