സോപ്പ് നിര്‍മാണ പദ്ധതി തുടങ്ങി
Posted By : knradmin On 9th November 2013
ചൊക്ലി: കണ്ണംവെള്ളി പെരിങ്ങളം നോര്‍ത്ത് എല്‍.പി. സ്‌കൂളില്‍ തൊഴില്‍പരിശീലനത്തിന്റെ ഭാഗമായി സോപ്പുനിര്‍മാണ പരിശീലനം തുടങ്ങി. മാതൃഭൂമി സീഡ് ക്ലബും പി.ടി.എ.യും ചേര്‍ന്നാണ് മൂന്ന്, നാല് ക്ലാസുകളിലെ വിദ്യാര്‍ഥികള്‍ക്ക് പരിശീലനം നല്‍കുന്നത്. രക്ഷിതാക്കള്‍ക്കും ആഴ്ചയില്‍ മൂന്നുദിവസം ക്ലാസ് നല്‍കുന്നുണ്ട്. സോപ്പുനിര്‍മാണയൂണിറ്റ് കൃഷി മന്ത്രി കെ.പി.മോഹനന്‍ ഉദ്ഘാടനം ചെയ്തു. ബ്ലോക്കംഗം സുഹറ അധ്യക്ഷയായിരുന്നു. റീഷ്മ തീരത്ത്, ഡോ. കെ.രവീന്ദ്രന്‍, വി.കെ.കുഞ്ഞിരാമന്‍, കെ.കെ.അനൂപ്, രജിഷ്മ എന്നിവര്‍ പ്രസംഗിച്ചു. ടി.കെ.രാഗേഷ് സ്വാഗതവും കെ.സുഷമ നന്ദിയും പറഞ്ഞു. സ്‌കൂളിലെ മുഴുവന്‍ കുട്ടികള്‍ക്കും പരിസരപ്രദേശങ്ങളിലും വിപണനം നടത്താനാണ് പദ്ധതിയുടെ ഉദ്ദേശ്യമെന്ന് പി.ടി.എ. പ്രസിഡന്റ് ടി.കെ.രാഗേഷ് പറഞ്ഞു.