സീഡ് പ്രവര്‍ത്തകരുടെ കൂട്ടായ്മയില്‍ നടപ്പാതയായി
Posted By : knradmin On 9th November 2013
പിലാത്തറ: ശ്രമദാനത്തിന്റെ വഴിയെ വിദ്യാര്‍ഥികള്‍ കല്ലും മണ്ണും ചുമന്നപ്പോള്‍ ഒരു പ്രദേശത്തിന് നടപ്പാതയായി.
കൊട്ടില ഗവ. ഹൈസ്‌കൂള്‍ സീഡ് പ്രവര്‍ത്തകരുടെ കൂട്ടായ്മയിലാണ് നടപ്പാത നിര്‍മിച്ചത്. മണ്ണ്-ജല സംരക്ഷണത്തിന് ഉതകുംവിധം പണിത കൊട്ടില റേഷന്‍പീടിക-കൊട്ടില ഈസ്റ്റ് നടപ്പാത സ്‌കൂളിലേക്കുള്ള വിദ്യാര്‍ഥികള്‍ക്കും നാട്ടുകാര്‍ക്കും ഏറെ പ്രയോജനപ്പെടും.
എന്‍.എസ്.എസ്സിന്റെ സഹകരണത്തോടെ അമ്പതോളം വിദ്യാര്‍ഥികള്‍ പാത നിര്‍മാണത്തില്‍ പങ്കാളികളായി. സീഡ് കോ ഓര്‍ഡിനേറ്റര്‍ എ.നാരായണന്‍, എന്‍.ഹരിദാസന്‍ എന്നിവര്‍ നേതൃത്വം നല്‍കി.