ജലസംരക്ഷണപ്രവര്‍ത്തനത്തിന് ബക്കറ്റുകള്‍ നല്‍കി
Posted By : knradmin On 9th November 2013
പിലാത്തറ: 'ജലം അമൂല്യമാണ്, അത് പാഴാക്കരുത്' എന്ന ആശയവുമായി പിലാത്തറ റോട്ടറി ക്ലബ് മേരിമാതാ സീനിയര്‍ സെക്കന്‍ഡറി സ്‌കൂള്‍ വിദ്യാര്‍ഥികള്‍ക്കായി ബക്കറ്റുകളും കപ്പും നല്‍കി. സീഡ് ജലസംരക്ഷണപ്രവര്‍ത്തനങ്ങളുടെ ഭാഗമായാണ് ടാപ്പില്‍ നിന്ന് വെള്ളം പാഴാക്കുന്നതു തടയാന്‍ ബക്കറ്റ് ഉപയോഗം വിദ്യാര്‍ഥികളെ ശീലിപ്പിക്കുന്നത്. തേജ്‌രാജ് മല്ലര്‍, പ്രിന്‍സിപ്പല്‍ സിസ്റ്റര്‍ റീഥാ വിന്‍സെന്റിന് ബക്കറ്റുകള്‍ കൈമാറി.
റോട്ടറി പ്രസിഡന്റ് സി.ദാമോദരന്‍ അധ്യക്ഷനായിരുന്നു. എം.പി.കൃഷ്ണന്‍, കെ.കുഞ്ഞിരാമന്‍, കെ.പി.ബാലന്‍, ഇ.രവീന്ദ്രന്‍ എന്നിവര്‍ പ്രസംഗിച്ചു.