പുഴയില്‍ മാലിന്യംതള്ളുന്നതിനെതിരെ വിദ്യാര്‍ഥികള്‍
Posted By : knradmin On 9th November 2013
മാട്ടൂല്‍: മാട്ടൂല്‍ എം.യു.പി.സ്‌കൂളിലെ സീഡ്, ഇക്കോ ക്ലബ് മാട്ടൂല്‍-കുപ്പം പുഴയില്‍ മാലിന്യംതള്ളുന്നതിനെതിരെ പുഴ സംരക്ഷണമതില്‍ തീര്‍ത്തു. പുഴയക്കുറിച്ചും പരിസരവാസികളുടെ മാലിന്യപ്രശ്‌നത്തെക്കുറിച്ചും നഹിദ ജബിന്‍, സഹല അബ്ദുല്‍കലാം എന്നീ വിദ്യാര്‍ഥികള്‍ പഠിക്കുന്നുണ്ട്.
ഇതിന്റെ ഭാഗമായി മാലിന്യംതള്ളുന്നതിനെതിരെ ബോധവത്കരിക്കുക എന്ന ഉദ്ദേശ്യത്തോടെയാണ് വിദ്യാര്‍ഥികള്‍ പുഴസംരക്ഷണമതില്‍ തീര്‍ത്തത്. മാട്ടൂല്‍ ഗ്രാമപ്പഞ്ചായത്ത് പ്രസിഡന്റ് സി.എച്ച്.ഖൈറുന്നിസ ഉദ്ഘാടനം ചെയ്തു. പ്രഥമാധ്യാപകന്‍ എം.അബ്ദുല്‍ ഖാദര്‍ അധ്യക്ഷതവഹിച്ചു.
വാര്‍ഡംഗം പി.വി.ഇബ്രാഹിം കുട്ടി, ബി.മഹമ്മൂദ്, പി.വി.പ്രസാദ്, പി.വി.ജാന്‍സി എന്നിവര്‍ സംസാരിച്ചു.