വാര്‍ത്താപത്രിക പ്രകാശനം ചെയ്തു
Posted By : knradmin On 9th November 2013
മയ്യഴി:സാമൂഹികസാഹചര്യമനുസരിച്ച് ഏത് മാധ്യമത്തില്‍ പഠിക്കേണ്ടിവന്നാലും മാതൃഭാഷാസ്‌നേഹവും ഭാഷാവബോധവും ഉള്ളവരായി വളരാന്‍ വിദ്യാര്‍ഥികള്‍ക്കാവണമെന്ന് ചെറുകഥാകൃത്ത് എം.രാഘവന്‍ അഭിപ്രായപ്പെട്ടു.
ഈസ്റ്റ് പള്ളൂര്‍ അവറോത്ത് ഗവ. മിഡില്‍ സ്‌കൂള്‍ സീഡ് ക്ലബ്ബിന്റെ 'കണിക' വാര്‍ത്താപത്രിക പ്രകാശനം ചെയ്യുകയായിരുന്നു അദ്ദേഹം. പ്രഥമാധ്യാപകന്‍ എം.മുസ്തഫ അധ്യക്ഷതവഹിച്ചു. 'കണിക' ഓണ്‍ലൈന്‍ എഡിഷന്റെ പ്രകാശനവും കഥാകൃത്ത് നിര്‍വഹിച്ചു. സ്റ്റാഫ് എഡിറ്റര്‍ ടി.പി.ഷൈജിത്ത്, സീഡ് റിപ്പോര്‍ട്ടര്‍ അങ്കിത പ്രേം, സീഡ് കോ ഓര്‍ഡിനേറ്റര്‍ ടി.വി.സവിത, വി.കെ.സതീഷ്, ശ്രീജ വി.വി., കെ.കെ.മനീഷ് എന്നിവര്‍ പ്രസംഗിച്ചു. സീഡ് പ്രവര്‍ത്തകരായ തേജാ മോഹന്‍, അഭിനന്ദ് പ്രേമന്‍, കദീജാ റഹ്മാന്‍, അണിമ അജിത്ത് എന്നിവര്‍ നേതൃത്വംനല്കി.