വീട്ടില്‍ പച്ചക്കറിത്തോട്ടം പദ്ധതി
Posted By : knradmin On 9th November 2013
തളിപ്പറമ്പ്: കൊട്ടില പ്രദേശത്തെ വീടുകളിലെല്ലാം പച്ചക്കറിക്കൃഷി നടപ്പാക്കുക എന്ന ലക്ഷ്യവുമായി സീഡ് ക്ലബ് അംഗങ്ങള്‍ വീടുകളില്‍ പച്ചക്കറിവിത്തടങ്ങിയ പാക്കറ്റ് വിതരണംചെയ്യും.
ഏഴോം കൃഷിഭവന്റെ സമഗ്ര പച്ചക്കറിക്കൃഷി വ്യാപനം പദ്ധതിയില്‍ ഉള്‍പ്പെടുത്തി ലഭിച്ച വിത്തുകള്‍ കൊട്ടില ഗവ. ഹയര്‍ സെക്കന്‍ഡറി സ്‌കൂള്‍ സീഡ് പ്രവര്‍ത്തകരാണ് വീടുകളിലെത്തിക്കുന്നത്.
പദ്ധതിയുടെ ഉദ്ഘാടനം സീഡ് കോ ഓര്‍ഡിനേറ്റര്‍ എ.നാരായണന്‍ നിര്‍വഹിച്ചു. അറുന്നൂറോളം പാക്കറ്റ് പച്ചക്കറി വിത്തുകളാണ് വിതരണം ചെയ്യുക.