പുന്നപ്ര യു.പി. സ്കൂളില്‍ ഞവര നെല്‍ക്കൃഷി വിളവെടുത്തു
Posted By : Seed SPOC, Alappuzha On 6th November 2013
പുന്നപ്ര: പുന്നപ്ര യു.പി. സ്കൂളില്‍ മാതൃഭൂമി സീഡ് ക്ലബ്ബും പുന്നപ്ര തെക്ക് കൃഷിഭവനും ചേര്‍ന്നു നടത്തിയ ഞവര നെല്‍ക്കൃഷി വിളവെടുത്തു. അധ്യാപക രക്ഷാകര്‍ത്തൃ സമിതിയുടെയും വിദ്യാര്‍ഥികളുടെയും പങ്കാളിത്തത്തോടെ സ്കൂള്‍ മുറ്റത്ത് അന്‍പത് സെന്റിലാണ് കൃഷി ചെയ്തത്.
കൃഷി ഓഫീസര്‍ എന്‍. രമാദേവി വിളവെടുപ്പ് ഉദ്ഘാടനം ചെയ്തു. സ്കൂള്‍ മാനേജര്‍ കെ. പ്രസന്നകുമാര്‍, പ്രഥമാധ്യാപിക പി.ഒ. സുമാദേവി, പി.ടി.എ. പ്രസിഡന്റ് ആര്‍. ഷാജിമോന്‍, പി.ടി.എ. അംഗം ജമാല്‍കുട്ടി, സീനിയര്‍ ടീച്ചര്‍ ആര്‍. ഗീത, അധ്യാപകരായ ബി. ശ്രീലത, സരിത പ്രകാശ്, സീഡ് കോ-ഓര്‍ഡിനേറ്റര്‍ വിനോദ് രാജന്‍ എന്നിവര്‍ പങ്കെടുത്തു.