കടയ്ക്കല്‍ ഗവ. ഹൈസ്‌കൂള്‍ സീഡ് യൂണിറ്റ് രക്തഗ്രൂപ്പ് നിര്‍ണയ ക്യാമ്പ് നടത്തി
Posted By : klmadmin On 2nd November 2013
കടയ്ക്കല്‍: ഗവ. ഹൈസ്‌കൂള്‍ സീഡ് യൂണിറ്റ് രക്തദാതാക്കളുടെ ഇ-ഡയറക്ടറി തയ്യാറാക്കുന്നു. ഇതിന്റെ ഭാഗമായി നടന്ന രക്തഗ്രൂപ്പ് നിര്‍ണയ ക്യാമ്പ് കടയ്ക്കല്‍ ഗ്രാമപ്പഞ്ചായത്ത് പ്രസിഡന്റ് ആര്‍.ലത ഉദ്ഘാടനം ചെയ്തു. പി.ടി.എ. പ്രസിഡന്റ് വി.സുബ്ബലാല്‍ അധ്യക്ഷത വഹിച്ചു.
കടയ്ക്കല്‍ പ്രദേശത്തെ യുവജനസംഘടനകള്‍, പാരലല്‍ കോളേജുകള്‍, പൂര്‍വ്വ വിദ്യാര്‍ഥികള്‍, കലാ-കായിക സമിതികളുടെയും ഗ്രന്ഥശാലകളുടെയും പ്രവര്‍ത്തകര്‍ എന്നിങ്ങനെ മുന്നൂറോളംപേര്‍ ക്യാമ്പില്‍ പങ്കെടുത്തു. രക്തദാതാക്കളുടെ ഇ-ഡയറക്ടറി തയ്യാറാക്കി സീഡ് യൂണിറ്റിന്റെ ബ്ലോഗില്‍ പ്രസിദ്ധീകരിക്കും.
ഹെഡ്മിസ്ട്രസ് സി.തങ്കമണി സ്വാഗതം പറഞ്ഞു. സീഡ് കോ-ഓര്‍ഡിനേറ്റര്‍ വി.വിജയന്‍ യോഗത്തിന് നന്ദി പറഞ്ഞു.