കൊട്ടില സ്‌കൂള്‍ വിദ്യാര്‍ഥികള്‍ക്ക് നെല്‍ക്കൃഷിയില്‍ നൂറുമേനി
Posted By : knradmin On 1st November 2013
പിലാത്തറ: കൊട്ടില ഗവ. ഹയര്‍സെക്കന്‍ഡറി സ്‌കൂള്‍ വിദ്യാര്‍ഥികള്‍ക്ക് അഞ്ചാംവര്‍ഷവും നെല്‍ക്കൃഷിയില്‍ നൂറുമേനി. സീഡ് ക്ലബ് സമീപ വയലില്‍ വിളയിറക്കിയ നെല്‍ക്കൃഷിയാണ് വിളവെടുത്തത്. കൊയ്ത്തും മെതിയും വിദ്യാര്‍ഥികള്‍തന്നെ പരമ്പരാഗത ശൈലിയില്‍ ചെയ്തു. കൊയ്ത്തുത്സവം ഏഴോം പഞ്ചായത്ത് ഉപാധ്യക്ഷ പി.ശ്രീദേവി ഉദ്ഘാടനം ചെയ്തു. പ്രഥമാധ്യാപകന്‍ വി.ഗോപിനാഥന്‍, പ്രിന്‍സിപ്പല്‍ വി.കെ.രമേശന്‍, സീഡ് കോ ഓര്‍ഡിനേറ്റര്‍ നാരായണന്‍ തുടങ്ങിയവര്‍ നേതൃത്വം നല്‍കി.