എഴുകോണ്‍ സംസ്‌കൃത സ്‌കൂളിലെ സീഡ് യൂണിറ്റ് കൃഷിത്തോട്ടനിര്‍മാണം തുടങ്ങി
Posted By : klmadmin On 20th October 2013
എഴുകോണ്‍: വിവേകോദയം സംസ്‌കൃത വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ മാതൃഭൂമി സീഡ് ക്ലബ്ബിന്റെ നേതൃത്വത്തില്‍ കൃഷിത്തോട്ടനിര്‍മാണം തുടങ്ങി. ഗ്രാമപ്പഞ്ചായത്തംഗം രഞ്ജിനി അജയന്‍ ഉദ്ഘാടനം ചെയ്തു. പി.ടി.എ. പ്രസിഡന്റ് കെ.ബാബുരാജന്‍ അധ്യക്ഷതവഹിച്ചു. എന്‍.ശശിധരന്‍, കെ.എസ്.ആനന്ദ്, പ്രവീണ്‍ലാല്‍, സൗഹൃദ ക്ലബ്ബ് കോ-ഓര്‍ഡിനേറ്റര്‍ കെ.മായ, പി.ടി.എ. വൈസ് പ്രസിഡന്റ് വേണുകുമാര്‍, സീഡ് കോ-ഓര്‍ഡിനേറ്റര്‍മാര്‍ ബി.ബിനു, ആര്‍.രാജി തുടങ്ങിയവര്‍ സംസാരിച്ചു. പ്രിന്‍സിപ്പല്‍ ആര്‍.വി.സജിത സ്വാഗതവും ഹെഡ്മിസ്ട്രസ് ജെ.ജീജ നന്ദിയും പറഞ്ഞു. എഴുകോണ്‍ കൃഷിഭവന്റെ സഹകരണത്തോടെയാണ് സ്‌കൂള്‍ വളപ്പിലെ 20 സെന്റ് സ്ഥലത്ത് കൃഷി നടത്തുന്നത്.