മാതൃഭൂമി സീഡ് അവാര്‍ഡ് സമര്‍പ്പണം നാളെ ഹരിപ്പാട്ട്
Posted By : Seed SPOC, Alappuzha On 18th October 2013
ഹരിപ്പാട്: മാതൃഭൂമി സീഡിനൊപ്പം മണ്ണും മരങ്ങളും പരിസ്ഥിതിയും സംരക്ഷിക്കാന്‍ മുന്നിട്ടിറങ്ങി വിജയിച്ചവര്‍ക്കുള്ള അവാര്‍ഡ് സമര്‍പ്പണം ശനിയാഴ്ച നടക്കും. ഹരിപ്പാട് ഗവ. ഗേള്‍സ് ഹയര്‍സെക്കന്‍ഡറി സ്കൂളില്‍ രാവിലെ ഒന്‍പതിന് കേന്ദ്രമന്ത്രി കെ.സി. വേണുഗോപാല്‍ ഉദ്ഘാടനം നിര്‍വ്വഹിക്കും. റവന്യു ജില്ലയിലെ കഴിഞ്ഞവര്‍ഷത്തെ വിജയികള്‍ക്കാണ് പുരസ്കാരങ്ങള്‍ സമ്മാനിക്കുക.
മികച്ച ഹരിത വിദ്യാലയങ്ങള്‍, ടീച്ചര്‍ കോ-ഓര്‍ഡിനേറ്റര്‍മാര്‍, ജെം ഓഫ് സീഡ്, സ്‌പെഷല്‍ ജൂറി പുരസ്കാരം, പ്രോത്സാഹന സമ്മാനങ്ങള്‍ എന്നിവയാണ് വിതരണം ചെയ്യുന്നത്.
ദേശീയ, സംസ്ഥാന തലങ്ങളില്‍ മികച്ച ബാലതാരത്തിനുള്ള അവാര്‍ഡ് നേടിയ മിനോണ്‍ ബേബി ചടങ്ങില്‍ പങ്കെടുക്കും.
ഹരിപ്പാട് ഗ്രാമപ്പഞ്ചായത്ത് പ്രസിഡന്റ് പി.എം. ചന്ദ്രന്‍ അധ്യക്ഷത വഹിക്കും.