സീഡ് പുരസ്‌കാരങ്ങള്‍ 19ന് സമ്മാനിക്കും
Posted By : knradmin On 17th October 2013
ചെറുപുഴ: 2012-13 വര്‍ഷത്തെ മാതൃഭൂമി സീഡ് ജില്ലാതല പുരസ്‌കാരജേതാക്കള്‍ക്കുള്ള അവാര്‍ഡ് വിതരണം ഒക്ടോബര്‍ 19ന് തിരുമേനി ഗവ. ഹയര്‍ സെക്കന്‍ഡറി സ്‌കൂളില്‍ നടക്കും. 101 അംഗ സംഘാടകസമിതി രൂപവത്കരിച്ചു. ശ്രേഷ്ഠ ഹരിതപുരസ്‌കാരം നേടിയ തിരുമേനി ഗവ. ഹയര്‍ സെക്കന്‍ഡറി സ്‌കൂളിനും തലശ്ശേരി, കണ്ണൂര്‍ വിദ്യാഭ്യാസ ജില്ലകളിലെ ജേതാക്കള്‍ക്കുമുള്ള പുരസ്‌കാരങ്ങളാണ് വിതരണംചെയ്യുന്നത്. 18 സ്‌കൂളുകളില്‍നിന്നുള്ള ജേതാക്കള്‍ പങ്കെടുക്കും.
പി.ടി.എ. പ്രസിഡന്റ് കെ.എം.രാജേന്ദ്രന്‍ അധ്യക്ഷത വഹിച്ചു. യോഗം ബ്ലോക്ക് പഞ്ചായത്തംഗം ശാന്ത ഗോപി ഉദ്ഘാടനംചെയ്തു. പ്രഥമാധ്യാപിക എം.കെ.ഷൈലജ, തിരുമേനി എസ്.എന്‍.ഡി.പി. എല്‍.പി.സ്‌കൂള്‍ പ്രഥമാധ്യാപിക വി.എന്‍.ഉഷാകുമാരി, സി.പി.കൃഷ്ണന്‍, കെ.കെ.ജോയി, ജി.ശ്രീനിവാസന്‍, കെ.കെ.സുകുമാരന്‍, സീഡ് എക്‌സിക്യൂട്ടീവ് വി.വൈശാഖ് എന്നിവര്‍ സംസാരിച്ചു.
ഭാരവാഹികള്‍: കെ.എം.രാജേന്ദ്രന്‍ (ചെയ.), ജി.പ്രദീപ്കുമാര്‍ (വൈ. ചെയര്‍), എം.കെ.ഷൈലജ (കണ്‍), സി.പി.കൃഷ്ണന്‍ (ജോ. കണ്‍).