വയോജനങ്ങളോടൊപ്പം സീഡ് ക്ലബ്ബംഗങ്ങള്‍
Posted By : knradmin On 17th October 2013
മയ്യഴി: ഈസ്റ്റ് പള്ളൂര്‍ അവറോത്ത് ഗവ. മിഡില്‍ സ്‌കൂള്‍ സീഡ് ക്ലബ്ബംഗങ്ങള്‍ വയോജനദിനം ആചരിച്ചു. സീഡംഗങ്ങള്‍ സ്‌കൂള്‍പരിസരത്തെ വീടുകളിലെ പ്രായം ചെന്നവരെക്കണ്ട് കുശലംപറഞ്ഞാണ് ശുചീകരണപരിപാടികള്‍ തുടങ്ങിയത്. പുനത്തില്‍ അമ്പാടിയില്‍ ശ്രീദേവിയമ്മ, അഞ്ചുകണ്ടിയില്‍ കുഞ്ഞിപ്പാത്തുമ്മ എന്നിവരുമായി കുട്ടികള്‍ സംവദിച്ചു. അഭിനന്ദ് പ്രേമന്‍, ഖദീജ, നിമ്ര, നിവ്യ, അമയ, അതുല്‍, ആകാശ്, ആദര്‍ശ്, തേജാമോഹന്‍, അങ്കിതാപ്രേം എന്നീ സീഡംഗങ്ങളുടെ സംഘമാണ് പരിപാടിയില്‍ പങ്കെടുത്തത്. പ്രഥമാധ്യാപകന്‍ വയോജനസന്ദേശം നല്‍കി. സ്‌കൂള്‍ സീഡ് കോഓര്‍ഡിനേറ്റര്‍ സജിത ടി.വി., ടി.പി.ഷൈജിത്ത്, ജെയിംസ്. സി.ജോസഫ് എന്നിവര്‍ പ്രസംഗിച്ചു.