സീഡ് വിദ്യാര്‍ഥികള്‍വക രാജകുമാരി സ്‌കൂളിലെ ടെറസ്സില്‍ പച്ചക്കറിത്തോട്ടം
Posted By : idkadmin On 17th October 2013
രാജകുമാരി:സ്‌കൂള്‍ വളപ്പില്‍ പച്ചക്കറികളും വാഴയും നട്ടുപരിപാലിക്കുന്ന രാജകുമാരി ഗവ.വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് ക്ലബ് അംഗങ്ങള്‍ ടെറസ്സിലെ പച്ചക്കറി കൃഷിക്കും തുടക്കമിട്ടു. നാനൂറോളം ചട്ടികളിലാണ് പച്ചക്കറികള്‍ നട്ടുവളര്‍ത്തുന്നത്. ബീന്‍സ്, കാബേജ്, ചീര, വെണ്ട, പയര്‍ എന്നിവ ടെറസ്സിലെ കൃഷിയിടത്തില്‍ പരിപാലിക്കും. പി.ടി.എ പ്രസിഡന്റ് എം.ഇ.ചെല്ലപ്പന്‍ പദ്ധതി ഉദ്ഘാടനംചെയ്തു. സ്‌കൂള്‍ പ്രിന്‍സിപ്പല്‍ ബ്രിജേഷ് ബാലകൃഷ്ണന്‍, സീഡ് കോ ഓര്‍ഡിനേറ്റര്‍ കെ.സി.രാരിച്ചന്‍, ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ അല്ലി എസ്.ചന്ദ്രന്‍, ഹെഡ്മിസ്ട്രസ് പി.കെ.ഉഷ എന്നവര്‍ പദ്ധതിക്ക് നേതൃത്വംനല്‍കും.