കുട്ടികള്‍ക്ക് "മാതൃഭൂമി സീഡ്' തുണിസഞ്ചി നല്‍കി
Posted By : Seed SPOC, Alappuzha On 8th October 2013
പുന്നപ്ര: പ്ലാസ്റ്റിക് ഉപേക്ഷിക്കുകയെന്ന സന്ദേശവുമായി പുന്നപ്ര യു.പി. സ്കൂളിലെ കുട്ടികള്‍ക്ക് മാതൃഭൂമി സീഡ് ക്ലബ് തുണിസഞ്ചികള്‍ നല്‍കി. മാതൃഭൂമി സീഡ് ലവ് പ്ലാസ്റ്റിക് പദ്ധതിയുമായി ചേര്‍ന്ന് യു.പി. സ്കൂള്‍ നടപ്പാക്കുന്ന മാതൃകാഗ്രാമം പദ്ധതിയുടെ ഭാഗമായാണ് തുണിസഞ്ചികള്‍ നല്‍കിയത്.
സ്കൂള്‍ മാനേജര്‍ കെ. പ്രസന്നകുമാര്‍ ഉദ്ഘാടനം ചെയ്തു. പി.ടി.എ. പ്രസിഡന്റ് ആര്‍. ഷാജിമോന്‍ അധ്യക്ഷത വഹിച്ചു. പ്രധാനാധ്യാപിക പി.ഒ. സുമാദേവി, സീഡ് കോ ഓര്‍ഡിനേറ്റര്‍ വിനോദ് രാജന്‍, അധ്യാപിക അജിത സി. നായര്‍ എന്നിവര്‍ പ്രസംഗിച്ചു.